منتديات ابناء غزلان الجنوب (الظاهرية)
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، . كما يشرفنا أن تقوم بالتسجيل إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.


----------------------------------------------------------
 
الرئيسيةس .و .جالأعضاءالتسجيلدخول

شاطر | 
 

 بكل روح معنوية يروى الشاب الغزاوى كيف يقضى يومه وقت الحرب ,,,

اذهب الى الأسفل 
كاتب الموضوعرسالة
غزالة الجنوب




avatar

علم الدولة فلسطين
الجنس الجنس : انثى
المزاج مبسوطة
عدد المساهمات عدد المساهمات : 285
نقاط نقاط : 429
تاريخ التسجيل تاريخ التسجيل : 14/03/2010
العمر العمر : 24

مُساهمةموضوع: بكل روح معنوية يروى الشاب الغزاوى كيف يقضى يومه وقت الحرب ,,,   السبت مارس 20, 2010 8:49 pm

يقول
كنا نشوف اغلب القصف على tv ... الان صار قدامنا مباشر على طول الليل الدنيا تضوي وتطفي زي الالعاب النارية بس الالعاب النارية عند العالم من الارض للسما الا في غزة من السما للارض
انا قاعد على الكمبيوتر و اهلي كلهم مجتمعين صاروا محللين عسكريين و عاملين غرفة عمليات مشتركة مستغربين اني قاعد على النت .. على اساس الدنيا حرب لازم اظل قاعد انوح و الطم ... 3 اسابيع قاعدين في الدار لا طلعة و لا نزلة ولا شغلة ولا مشغلة فش لا كهرباء و لا ميا من كتر الزهق من القعدة الواحد بتحير شو يعمل في الدار مرات بقعد اعد البلاط و مرات اكم كسرة في الستارة واحيانا بقعد العب في الجوال لو كان في بطارية اصلا او بقعد اتشغل في واحد من اخواتي ما علينا ..... الحلو في الموضوع انو شلومو بتظهر حنيته وقت الحرب قال بيحكي حفاظا على رفاهية ا لشعب اعطونا 3 ساعات هدنة واحلى ما فيهم انهم مشكلين يوم من 1-4 ويوم من 8-11 ويوم من 1-10 وبيقول لك احزر الفترة بتعت بكرة واتصل على 8882014 وبيقولك بتكسب جائزة والله الواحد بتحير شو يعمل في 3 ساعات مسافة ما يفكر وين يطلع (على اساس انه ظل مكان في غزة الواحد يروح عليه ) بيكون خلصوا 3 ساعات اليوم قعدت افكر شو اعمل لقيت احسن شي اعمله انه انام مشان الجو بيكون هدوء وما في صوت قصف نسبيا لانه طول الليل صوت القصف و صوت الزنانات ما بخلي الواحد يعرف ينام الواحد بيحس انه في واحد بيخرق في نفوخه بمقدح... طول النهار و نحنا بنسمع في اصوات غربية شوي صاروخ قريب وشوي بعيد او بنحس في هزة والاعطل بدينا نسمع مناطق غريبة بتنقصف صاروا يقصفوها مرة مقبرة و طلعت الهياكل العظمية تمشي في الشارع و مرة صالة افراح و مرة ددار مهجورة او بيقصفوا مكان قصفوا قبل هيك للتاكيد طبعا
وبهذه المناسبة بحب اتقدم بالشكر للطيار يلي بيقصف لانه بيحذف او بيرمي صاروخ صغير على الدر قبل ما يجيبها نصين بالصاروخ يلي بعده شايفين الانسانية لوين ولسا بتحكو عن اليهود عاطلين يعني اللي ما بيصيده الصاروخ الاول معاه 5 دقايق ينفذ بجلده قبل ما يجيب اجله الصروخ التاني .. العمار بيد الله الواحد عنده يقين انه كل شي بامر الله ... على الرغم انه الواد بطل يخاف زي اول لمن يسمع صوت صارو خبس الا انه الخوف من انه الطيار اخو شلومو تحلو دارنا في عينه و يمزعنا صاروخ بحجة الصاروخ يلي على السطح بياثر على الزنانات دايما بحاول اواسي حالي بالمقولة يلي بتحكي ما تخاف من صوت الرصاص لانه الرصاصة يلي راح تقتلك مش راح تسمع صوتها


اكتر شي بنكيف عليه لمن يرن تلفون البيت بنصير نتخانق انا و اخواتي مشان نحكي مع الناس يلي بتصلوا من الدول العربية يطلع الاتصال من الامارات من قطر من مصر من السعودية .. او الواحد يتورط ويطلعله واحد بيقلك جيش الدفاع الاسرائيلي و يطلع بحزرك انه يكون عندك سلاح او بتتعامل مع المقاومة بس كل يوم هو هو روتين التلفون هادوهو يرن
الو
السلام عليكم
وعليكم السلام
معكم فلانة من السعودية (الله ينصركم الله يقويكم)
تسلمي يا حجة ادعولنا
الله ينصركم و يحفظكم يلا السلام عليك
وعليك السلام يا حجة الله معك ..
هاد عينة من المكاالمات يلي بتوصلنا مع انها صغيرة وما فيها رغو وطق حنك الا انها منيحة و بترفع معنويات ويا حبيبي لو خلال المكالمة نزل صاروخ ولا ال500 بتعت الاباتشي اشتغلت شوف العياط على التليفون وبدل ما هما يصيروا يواسوك ويهدوا فيك احنا بنصير نهدي فيهم و نسكتهم لا والشغلة الجديدة اللي قاهراني قصة الفسفور انا طول عمري بسمع الفسفور في السما وكل ما كان الواحد ياكل سمك كان يحس حاله صاروا يصوي من الفسفور بس هون الوضع اختلف يعني اول ما تيجي عليك قذيفة الفسفور و تهب فيك النار بتخليك تضوي وبصير اللي يشوفك يحكليك منور يا حج الله يلطف فينا طبعا وقت الفراغ الواحدبيحاول يستغله بشي مفيد انا استغليت وقتي في رياضة جديدة و هي رياضة براميل الميا او ما افتح عينيا على طول بمارس الرياضة اليوميا بطلع على سطح الدار وبتفقد البراميل و قديش ظايل ميا طبعا عن طريق الدق على البرميل بعرف ازا كان فاضي او ممتلء( طبعا هاد الكل بيعرفها ) بس الجديد و اللي اكتسبته مع الخبرة انه البرميل لو كان مليان اعرف كم لتر فيه

انا لقيت حالي لهلا عايش قلت اكتب لكم و احكي لكم عن وضعان بكرة يمكن اكون عايش بس مش قادر اكتب او مش عايش من اساسه ادعولنا
ادعو تنحل هالقصة على خير
ادعو للمقاومين
ادعو ينفك حصارنا
ادعو للشهداء
وادعو للجرحى
وادعو للناس الله يصبرها
وادعولي اصير غني
لو ظل معك وقت ادعولي انجح في توجيهي




مع تحيات بنت الكوفية مؤلفة الموضوع
واخي الوالي كاتب الموضوع و شكرا لكم
الرجوع الى أعلى الصفحة اذهب الى الأسفل
*همس الليل*




avatar

علم الدولة لو كان كل العالم ضدّي..فأنا فلسطينية وأعشق التحدي
الجنس الجنس : انثى
المزاج *****
عدد المساهمات عدد المساهمات : 239
نقاط نقاط : 275
تاريخ التسجيل تاريخ التسجيل : 27/07/2009
العمر العمر : 77

مُساهمةموضوع: رد: بكل روح معنوية يروى الشاب الغزاوى كيف يقضى يومه وقت الحرب ,,,   الأحد مارس 21, 2010 3:13 am

الله يحميهم
حسبي الله ونعم الوكيل

_________________

اللهم صلي على سيدنا محمد
لا تشكــــــــــو للناس جرحا انت صاحبه....لا يـــؤلم الجـــــــــرح إلا من به ألــــــم

[لا اله الا الله محمد رسول الله

اللهم صلي على محمد
الرجوع الى أعلى الصفحة اذهب الى الأسفل
شمعة تحترق




avatar

علم الدولة فلسطينية وافتخر
الجنس الجنس : انثى
المزاج افكر
عدد المساهمات عدد المساهمات : 245
نقاط نقاط : 343
تاريخ التسجيل تاريخ التسجيل : 21/03/2010
العمر العمر : 27

مُساهمةموضوع: رد: بكل روح معنوية يروى الشاب الغزاوى كيف يقضى يومه وقت الحرب ,,,   الأحد مارس 21, 2010 5:35 pm

شـكــ وبارك الله فيك ـــرا لك ... لك مني أجمل تحية .
مشكووووووورة على موضوعك الحلو يا احلى عضوة
الرجوع الى أعلى الصفحة اذهب الى الأسفل
دمعة فلسطين




avatar

علم الدولة فلسطين
الجنس الجنس : انثى
المزاج مبسوطة
عدد المساهمات عدد المساهمات : 402
نقاط نقاط : 527
تاريخ التسجيل تاريخ التسجيل : 17/03/2010
العمر العمر : 27

مُساهمةموضوع: رد: بكل روح معنوية يروى الشاب الغزاوى كيف يقضى يومه وقت الحرب ,,,   الجمعة مارس 26, 2010 12:17 am

الله يحمي اخواننا واخواتنا المسلمين والمسلمين وجزاك الله كل الخير
الرجوع الى أعلى الصفحة اذهب الى الأسفل
 
بكل روح معنوية يروى الشاب الغزاوى كيف يقضى يومه وقت الحرب ,,,
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات ابناء غزلان الجنوب (الظاهرية) :: المنتديات العامة :: منتدى الموضيع العامه-
انتقل الى: